Өзің құрметтемеген нәрсеге бөтеннен қайтіп құрмет күтесің? 
Құдайшылық - жүректе
Есті кісілер үлкен есі шықпай, ақылды қолдан жібермей, бойын сынатпай жүріп ізденеді
Көпке қорлық жүрмейді
Атасының баласы - адамның дұшпаны, адамның баласы - бауырың
Надан ел - қуанбас нәрсеге қуанады, ұялмас нәрседен ұялады
Адам баласын заман өсіреді
Сұрауын табамын, қалауын табамын деп жүріп қорлықпен өмір өткізгенше - малды не жерден сұрау керек, не маңдай терден сұрау керек
Ғылымды, ақылды сақтайтұғын мінез деген сауыт болады
Жаманмен салысып жақсы болмайсың

Абайдың бірінші қара сөзі

Абайдың көркемдік, әлеуметтік гуманистік және дінге көзқарастары терең білінген еңбегі - қара сөздері. Абайдың қара сөздері (Ғақлия) - ұлы ақынның сөз өнеріндегі көркемдік қуатын, философиядағы даналық дүниетанымын даралап көрсететін классикалық стильде жазылған прозалық шығармасы. Жалпы саны қырық бес, бөлек шығармадан тұратын Абайдың қара сөздері тақырыбы жағынан бір бағытта жазылмаған, әр алуан. Оның алты-жеті үлгісі қысқа болса, қайсыбіреуі мазмұн, тақырып жағынан өзгешелеу, ауқымды болып келеді. Абай өзінің қара сөздерінде шығарманың ажарына ғана назар аударып қоймай, оның тереңдігіне, логикалық мәніне зер салған.


пікір (0)

image

Пікір қалдыру

image