«Қазақ тілін меңгертудің тиімді жолдары» атты онлайн біліктілікті арттыру курсы жалғасып жатыр

Халықаралық деңгейдегі тәжірибе алмасуға бағытталған «Қазақ тілін меңгертудің тиімді жолдары» атты онлайн біліктілікті арттыру курсы жалғасып жатыр.

Курстың екінші күні спикер ретінде Әл-Фараби атындағы ҚазҰУ-дың қауымдастырылған профессоры, филология ғылымдарының кандидаты, қазақ тілін оқыту әдістемесінің тәжірибелі маманы Гүлбағиза Мұсаева қатысты. Гүлбағиза Әбіласымқызының қазақ тілін екінші тіл ретінде оқыту бағытында жинақтаған тәжірибесі негізінде 60-қа жуық ғылыми-әдістемелік мақалаcы, 10-нан аса оқу құралы, 4 оқу бағдарламаcы, 3 әдістемелік нұсқауы, 1 тілашар-сөздік және 1 монографиясы жарыққа шыққан.

Спикер өз баяндамасында қазақ тілін оқытудың кезеңдік жүйесі, бағдарламадан еркін сөйлеуге дейінгі үдерістерді түсіндіріп, тіл оқытудың өзекті мәселелеріне тоқталды.

Іс-шара барысында қатысушылар белсенділік танытып, тіл үйрету бағытындағы сұрақтарын қойды.