Жаманмен салысып жақсы болмайсың
Ер - артық сұраса да азға разы болады, ез - аз сұрар, артылтып берсең де разы болмас
Ғылымды, ақылды сақтайтұғын мінез деген сауыт болады
Баланың мал табары болады, мал шашары болады
Сұрауын табамын, қалауын табамын деп жүріп қорлықпен өмір өткізгенше - малды не жерден сұрау керек, не маңдай терден сұрау керек
Тірі адамның жүректен аяулы жері жоқ. Рақымдылық, мейірбандылық, әртүрлі істе адам баласын өз бауырым деп, өзіне ойлағандай оларға да болса игі еді демек - бұлар жүрек ісі. Асықтық та - жүрек ісі
Иман сақтауға - қорықпас жүрек, айнымас көңіл, босамас буын керек
Адам ақылсыздығынан азбайды, ақылдының сөзін ұғып аларлық жүректе жігер, қайрат, байлаулылық жоқтығынан азады
Өзің құрметтемеген нәрсеге бөтеннен қайтіп құрмет күтесің? 
Ауруды жаратқан құдай, бірақ ауыртқан құдай емес