Баланың мал табары болады, мал шашары болады
Көпке қорлық жүрмейді
Адам ақылсыздығынан азбайды, ақылдының сөзін ұғып аларлық жүректе жігер, қайрат, байлаулылық жоқтығынан азады
Надан ел - қуанбас нәрсеге қуанады, ұялмас нәрседен ұялады
Сұрауын табамын, қалауын табамын деп жүріп қорлықпен өмір өткізгенше - малды не жерден сұрау керек, не маңдай терден сұрау керек
Дүниеде жалғыз қалған адам - өлген адаммен тең: қапашылықтың бәрі соның басында
Құдайшылық - жүректе
Адам баласын заман өсіреді
Тірі адамның жүректен аяулы жері жоқ. Рақымдылық, мейірбандылық, әртүрлі істе адам баласын өз бауырым деп, өзіне ойлағандай оларға да болса игі еді демек - бұлар жүрек ісі. Асықтық та - жүрек ісі
Өзің құрметтемеген нәрсеге бөтеннен қайтіп құрмет күтесің?