Сұрауын табамын, қалауын табамын деп жүріп қорлықпен өмір өткізгенше - малды не жерден сұрау керек, не маңдай терден сұрау керек
Адам ақылсыздығынан азбайды, ақылдының сөзін ұғып аларлық жүректе жігер, қайрат, байлаулылық жоқтығынан азады
Надан ел - қуанбас нәрсеге қуанады, ұялмас нәрседен ұялады
Тірі адамның жүректен аяулы жері жоқ. Рақымдылық, мейірбандылық, әртүрлі істе адам баласын өз бауырым деп, өзіне ойлағандай оларға да болса игі еді демек - бұлар жүрек ісі. Асықтық та - жүрек ісі
Тіл жүректің айтқанына көнсе - жалған шықпайды
Есті кісілер үлкен есі шықпай, ақылды қолдан жібермей, бойын сынатпай жүріп ізденеді
Атасының баласы - адамның дұшпаны, адамның баласы - бауырың
Құдайшылық - жүректе
Иман сақтауға - қорықпас жүрек, айнымас көңіл, босамас буын керек
Мал - жұтайды, өнер - жұтамайды